O próximo xoves 17 de xaneiro organizamos, dende Blockchain.gal, un obradoiro introdutorio sobre programación en plataformas blockchain. En primeiro lugar farase unha pequena aproximación ás estruturas e redes blockchain para facilitar a comprensión do ecosistema Ethereum. O obradoiro práctico versará sobre como dar os primeiros pasos nesta plataforma, amosando como programar sinxelos exemplos paradigmáticos.